വീട്ടിലെ പ്രശ്‌നങ്ങള്‍ ഓഫീസിലേക്ക് വലിച്ചിഴയ്ക്കരുത്: ഉദ്യോഗസ്ഥര്‍ക്ക് മുഖ്യമന്ത്രിയുടെ ഉപദേശം
തിരുവനന്തപുരം: പൊതു മേഖലാ സ്ഥാപനങ്ങളുടെ വളര്‍ച്ചയ്ക്ക് കൂട്ടായ പ്രവര്‍ത്തനം ആവശ്യമാണെന്നും, വീട്ടിലെ പ്രശ്‌നങ്ങള്‍ ഓഫീസിലേക്ക് കൊണ്ടുവരരുതെന്നും ഉദ്യോഗസ്ഥര്‍ക്ക് മുഖ്യമന്ത്രി പിണറായി വിജയന്‍ ഉപദേശം നല്‍കി. പൊതു മേഖലയിലെ സ്ഥാപനങ്ങളുടെ ശാക്തീകരണ ശില്‍പശാലയുടെ സമാപനയോഗം ഉദ്ഘാടനം ചെയ്ത് സംസാരിക്കുകയായിരുന്നു മുഖ്യമന്ത്രി. "മനുഷ്യര്‍ക്ക് ജീവിതത്തില്‍ പ്രശ്‌നങ്ങളും സംഘര്‍ഷങ്ങളും ഉണ്ടാകുന്നത് സ്വാഭാവികമാണ്. അവയെ ഓഫീസ് ഇടങ്ങളില്‍ കൊണ്ടു വന്ന് തീര്‍ക്കാന്‍ ശ്രമിക്കരുത്," മുഖ്യമന്ത്രി വ്യക്തമാക്കി. സ്ഥാപനങ്ങളുടെ അഭിവൃത്തി എല്ലാ ജീവനക്കാരുടെയും ചുമതലയാണെന്നും, മേധാവികള്‍ക്ക് ഏകരൂപമായ ശ്രമം അനുവദിച്ചാല്‍ മാത്രം പുരോഗതി സാദ്ധ്യമാകുമെന്നും അദ്ദേഹം കൂട്ടിച്ചേര്‍ത്തു. നേരത്തെ നഷ്ടത്തിലായിരുന്ന കെല്‍ട്രോണ്‍ പോലുള്ള സ്ഥാപനങ്ങള്‍ ഇപ്പോള്‍ മുന്നേറുന്നുണ്ടെന്നും, ചില പൊതു മേഖലാ സ്ഥാപനങ്ങളില്‍ മികവിന്റെ കുറവ് കാണപ്പെടുന്നതായും മുഖ്യമന്ത്രി ചൂണ്ടിക്കാട്ടി. വ്യവസായമന്ത്രി പി രാജീവ് യോഗത്തില്‍ അധ്യക്ഷനായിരുന്നു. നിയമിത ചീഫ് സെക്രട്ടറി ഡോ. എ ജയതിലക്, അഡീഷണല്‍ ചീഫ് സെക്രട്ടറി കെആര്‍ ജ്യോതിലാല്‍, വ്യവസായ വകുപ്പ് ഓഫീസര്‍ ഓണ്‍ സ്പെഷ്യല്‍ ഡ്യൂട്ടി ആനി ജൂലാ തോമസ്, ആസൂത്രണ-സാമ്പത്തിക വകുപ്പ് അണ്ടര്‍ സെക്രട്ടറി എ കെ സുദര്‍ശനന്‍ തുടങ്ങിയവരും ചടങ്ങില്‍ പങ്കെടുത്തു. ഫ്രാന്‍സിസ് മാര്‍പാപ്പയുടെ ആത്മകഥയായ 'ഹോപ്' പരിപാടിയില്‍ മുഖ്യമന്ത്രി ഏറ്റുവാങ്ങി.
About The Author
mk28
